சுவிஸ் தமிழ் கல்விச் சேவைக்குள் என்ன நடக்கிறது? - திரு. பார்த்திபன் மீதான கிருஷ்ணா அம்பலவாணரின் பகிரங்கக் குற்றச்சாட்டுகள்!

சமூகப் பார்வை | சுவிஸ் விஷன்

சுவிஸ் தமிழ் கல்வி சேவை: குற்றச்சாட்டும் மறுப்பும் — கிருஷ்ணா அம்பலவாணர் செவ்வி

சுவிஸ் விஷன் நிகழ்ச்சி | Swiss Vision Broadcast

▶ சுவிஸ் விஷன் நிகழ்ச்சி — திரு கிருஷ்ணா அம்பலவாணர் அவர்களின் முழு செவ்வி மேலே காணலாம்.

பின்னணி

வணக்கம் சுவிஸ் விஷன் நேயர்களே! இன்றைய நிகழ்ச்சியில் நாம் பார்க்கப்போகும் முக்கியமான விடயம் — சுவிஸ் நாட்டில் கடந்த காலங்களில் பல்வேறு சமூக மற்றும் அமைப்புசார் செயல்பாடுகளில் ஈடுபட்டு வந்த திரு கிருஷ்ணா அம்பலவாணர் அவர்கள் வெளியிட்டுள்ள கருத்துகள் தொடர்பாகும். அந்த கருத்துகள் சுவிஸ் நாட்டில் தமிழ் கல்வி சேவையின் பொறுப்பாளராக உள்ள திரு கந்தசாமி பார்த்திபன் அவர்களை சுற்றி முன்வைக்கப்பட்டுள்ளன.

சுவிஸ் நாட்டில் தமிழ் சமூகத்தின் கல்வி மற்றும் கலாச்சார வளர்ச்சியில் தமிழ் கல்வி சேவை முக்கியமான பங்கு வகித்து வருகின்றது. பல ஆண்டுகளாக இந்த சேவை தமிழ் மொழி, பண்பாடு மற்றும் அடையாளத்தை புதிய தலைமுறைக்கு கொண்டு செல்லும் முயற்சிகளில் ஈடுபட்டு வருகிறது. இந்த அமைப்பின் பொறுப்பாளராக தற்போது செயல்பட்டு வருபவர் திரு கந்தசாமி பார்த்திபன் அவர்கள்.

இந்நிலையில் சுவிஸ் சமூகத்தில் செயல்பட்டு வந்த திரு கிருஷ்ணா அம்பலவாணர் அவர்கள் சில கேள்விகளையும் கருத்துகளையும் வெளியிட்டுள்ளார். அவரது கருத்துகளில் கல்விச் சேவையின் நிர்வாகம் மற்றும் அதன் செயல்பாடுகள் தொடர்பாக சில விமர்சனங்களும் சந்தேகங்களும் முன்வைக்கப்பட்டுள்ளதாக கூறப்படுகிறது. இந்த விடயங்கள் குறித்து தமிழ் சமூகத்தில் பல்வேறு கருத்துகள் பரிமாறப்பட்டு வருகின்றன.

சுவிஸ் நாட்டில் தமிழ் சமூகம் — கலாச்சார மற்றும் கல்வி நடவடிக்கைகளில் தீவிரமாக ஈடுபட்டு வருகின்றது. (படம்: Swissinfo.ch)

செவ்வி: கிருஷ்ணா அம்பலவாணர் — முழு உரையாடல்

கேள்வி: தமிழ் தேசியத்தோடு அல்லது தமிழ் விடுதலை போராட்டின் கட்டமைப்புகளுடன் பொறுப்புகள் வகிப்பவர்கள் இலங்கை சென்று வருவதும் பலரை சந்திப்பதும் இது முதல் தடவை அல்ல — நீங்கள் குறிப்பாக ஏன் இந்த பார்த்திபன் அவர்களை மட்டும் மிகக் கடுமையாக விமர்சிக்கிறீர்கள்? அதற்கான ஏதாவது காரணங்கள் இருக்கின்றனவா?

என்னுடைய கிட்டத்தட்ட 45 வருடகால தமிழ் விடுதலைப் போராட்ட பயணத்தில் எவரையும் தனிமனித விரோதம் கொண்டு பார்த்ததும் இல்லை, விமர்சனங்கள் செய்ததும் இல்லை. அதுபோல் என் மீது வைக்கப்படுகின்ற குற்றச்சாட்டுகளோ விமர்சனங்களோ கூட நான் விடுதலைப் போராட்டத்தில் பயணித்த காலத்தில் நடந்துகொண்ட நடவடிக்கைகளின் பால் இருக்குமே ஒழிய தனிமனித விரோதமான செயல்பாடுகளாக இருக்காது. அந்த அடிப்படையில் தான் பார்த்திபன் கந்தசாமி அவர்களின் மீதான என்னுடைய விமர்சனமும் — ஒரு தனிமனித தாக்குதல் அல்ல. அதை நான் இங்கே முதலிலே குறிப்பிட விரும்புகிறேன்.

தமிழினத்தின் வரலாறு இரத்தம் சிந்திய தியாகங்களினால் நிரம்பியது. மாவீரர்களின் உயிர்த் தியாகங்களும் விடுதலைப் புலிகளின் போராட்ட வரலாறுகளும் எமது மக்களுக்கான அடையாளங்களை உருவாக்கிக் கொடுத்தன. அந்த தியாகங்களின் மீது தங்களை கட்டமைத்துக்கொண்டு, அந்த கட்டமைப்பின் ஊடாக பொறுப்பு நிலைகளில் இருந்தவர்கள் திசைமாறி வழிமாறிப் போகின்ற பொழுது, அதை தட்டிக் கேட்க வேண்டிய கடப்பாடு எங்களுக்கு இருக்கிறது என்ற உள்ளுணர்வின் அடிப்படையில் தான் பார்த்திபன் அவர்களின் மீதான என்னுடைய விமர்சனத்தை நான் முன்வைத்தேன்.

தமிழீழ விடுதலைப் போராட்டத்தின் அடையாளங்களை பேணுவது புலம்பெயர் தமிழ் சமூகத்தின் கடப்பாடு என்று கிருஷ்ணா அம்பலவாணர் வலியுறுத்துகிறார். (படம்: Newswire.lk)

கேள்வி: அவர்களுக்கு நேரடியான பொறுப்பாளர்கள், நேரடியான கட்டளைகளை வழங்குபவர்கள் எல்லாம் மௌனமாக தானே இருக்கின்றார்கள்?

இப்போது தமிழ் விடுதலைப் போராட்டம் என்பது ஒரு வீரம் சிறந்த போராட்டம் — 2009 மே 18-ஓடு மௌனிக்கப்பட்டதன் பின்னர், ஒரு பொதுச் சமூகத்தின் பிரதிநிதிகளாகவே புலம்பெயர்ந்த தமிழ் சமூகம் தங்களை தகவமைத்துக்கொண்டிருக்கிறது. இந்த தகவமைப்புக்குள் இருக்கின்ற சமூக கட்டமைப்புக்குள் விடுதலைப் புலிகளின் ஏகப் பிரதிநிதிகள் அல்லது விடுதலைப் புலிகளின் போராட்டத்தை முன்னெடுப்பவர்கள் வழிநடத்துபவர்கள் என்கின்ற வகையில் பார்த்திபன் அவர்களை ஒருங்கிணைத்தவர்களாக இருக்கக்கூடியவர்கள் — ரகுபதி சிவநேசன் போன்றவர்களோ அல்லது இப்போது இருக்கின்ற கந்தன் மூர்த்தி அவர்களோ — அவரோடு இணைந்து பயணித்திருக்கிறார்கள்.

கல்வி சேவையில் நடந்த மாற்றங்கள் — விமர்சனத்தின் சாரம்

2009க்கு பின்னர் பிரான்ஸ் நாட்டில் சில பொறுப்புகளோடு இருந்த பார்த்திபன் அவர்கள், எதிர்வினை கருத்துநிலை கொண்டிருக்கக்கூடிய ரகுபதி சிவநேசன் அவர்களுடைய ஒருங்கிணைப்பின் பால் இருந்த விடுதலைப் புலிகள் இயக்கத்தின் கட்டுப்பாட்டுக்குள் வந்து சேர்கிறார். அவ்வாறு வந்து சேர்ந்த பார்த்திபன் அவர்கள் ஆரம்பத்தில் கல்விச் சேவை சார்ந்து எடுத்த சில முடிவுகள் ஓரளவுக்கு தமிழின விரோதப் போக்கோடு ஒத்திசைவாக இருக்கிறது என்பதை கண்டுகொண்டு ரகுபதி சிவநேசன் அவர்களிடம் நாங்கள் பல தடவைகள் — இவருடைய நடவடிக்கைகள் தவறாக இருக்கிறது, இதை நீங்கள் கட்டுப்படுத்த வேண்டும் என்று சொன்னோம்.

பார்த்தி அவர்கள் செய்த முதல் வேலை — தமிழீழம், அந்த தமிழீழத்தோடு இருந்த வரைவுகளை உள்ளடக்கிய அந்த சின்னத்தையே முதலில் நீக்கியது. கல்வி சேவையினுடைய லோகோவை மாற்றி அமைத்தது. தமிழீழத்தின் சின்னத்தை எடுத்து, அதற்கு பதிலாக — தேசிய உறவு என்ற பெயரில் — சுவிஸ் நாட்டினுடைய வரைபடத்தை அதில் வைத்துக்கொண்டு புதிய வடிவமைப்பை கொண்டு வந்தது. நாங்கள் குமுரல்களாக, பொறுப்பாளராக இருந்த சிவநேசன் ரகுபதி அவர்களிடத்திலே சுட்டிக்காட்டினோம்.

இலங்கை அரசாங்கத்தின் பாடத்திட்டங்களை, பாட நூல்களை இங்கே தமிழ் மக்களுக்கான திணிப்பாகக் கொண்டு வந்து, எங்களுடைய மரபோடு ஒன்றிய அடையாளங்களை அவர் சிதைக்க முற்பட்டது. இப்படி புலம்பெயர்ந்த தமிழ் மக்களின் மீது இலங்கை அரசாங்கத்தின் பாடத்திட்டத்தை திணித்தல் என்பது ஒரு வகையில் கட்டாயப்படுத்துவது — அது ஒரு மனித உரிமை மீறல் தான்.

அதில் கொடுமையாக இருந்தது என்னவென்றால் — எல்லா நிகழ்வுகளிலும் தாயகக் கொடியேற்றி, அந்த தாயகக் கொடிக்கு வணக்கம் செலுத்திதான், மாவீரர்களுக்கு வணக்கம் செலுத்திதான் எல்லா நிகழ்வுகளையும் ஆரம்பிப்பது தமிழர் மரபாகப் பின்பற்றப்பட்டு வருகிறது. அந்த மரபை பார்த்திபன் அவர்கள் உடைத்து — "வாழ்க தமிழ் மொழி" என்று புகுத்தி — அந்த நிகழ்வுகளில் தமிழர்களின் அடையாளங்களாக பாசி வோ சிதம்பரனாரையும், மரமலை அடிகளையும், பாரதியாரையும் கொண்டு வந்து வைத்துக்கொண்டு — நாங்கள் திலீபனை சொல்லவில்லை, அன்னை பூபதியை சொல்லவில்லை, கிட்டுவை சொல்லவில்லை, மாலதியை சொல்லவில்லை — இவர்களை எல்லாம் ஏன் தவிர்க்கிறீர்கள் என்றால் — அவர்கள் போராளிகள், அது கல்வி சேவைகளில் வரக்கூடாது என்று — இந்தக் கல்வி சேவை என்பதனுடைய ஊற்றும், உயிரும், அடிநாதமும் ஒரு இனத்தின் சத்தத்தினால் வந்தது — அதை சிதைப்பதற்கு பார்த்திபன் யார்?

சுவிஸ் பெற்றோர்களுக்கும் சமூகத்திற்கும் கோரிக்கை

கேள்வி: சுவிஸ் நாட்டில் பார்த்திபன் இருக்கின்றமையால், சுவிஸ் தமிழ் கல்வி சேவைக்கு பொறுப்பாக இருக்கின்றமையால் — சுவிஸ் பெற்றோர்களுக்கு குறிப்பாக பொறுப்பாளர்களுக்கு நீங்கள் என்ன கூற விரும்புகின்றீர்கள்?

இது ஒரு அவர்களுக்கு ஆலோசனை சொல்லக்கூடிய நிலையில் நான் இல்லை. ஒரு மக்கள் சமூகத்தின் பிரதிநிதிகளாக பலர் இருக்கிறார்கள். ஆனால் அப்படி மக்கள் சமூகத்தின் பிரதிநிதிகளாக இருப்பவர்கள் ஒவ்வொரு குழுக்களாக இருந்துகொண்டு சில குழுவாத செயல்பாடுகளை முன்னெடுக்கிறார்கள்.

தமிழ் மக்கள் நிச்சயமாக இதை புரிந்துகொண்டு — இவ்வாறான செய்திகளை கேட்டறிந்து — இதற்கு எதிராக குரல் கொடுக்க வேண்டும். எதிர்காலத்தில் இவ்வாறான தவறுகள் இல்லாத அளவுக்கு தங்களை மாற்றிக்கொள்ள வேண்டும். பார்த்திபன் அவர்கள் இலங்கையிலிருந்து திரும்பியதன் பிற்பாடு கல்வி சேவையில் இருக்கக்கூடியவர்களும் பொதுப் பிரதிநிதிகளும் பார்த்திபனுடனான ஒரு சந்திப்பை மேற்கொள்வதற்கு ஒரு வாய்ப்பை ஏற்படுத்திக்கொடுக்க வேண்டும். முன்னெடுப்பதற்கான ஒரு களமாக சுவிஸ் தமிழ் சமூகம் உருவாக வேண்டும், முன்னெடுப்பதற்காக குரல் கொடுக்க வேண்டும் என்று இந்த நேரத்தில் அன்போடு கேட்டுக்கொள்கிறேன். நன்றி!

சமூகத்தின் எதிர்பார்ப்பு

சுவிஸ் தமிழ் சமூகத்தில் கல்வி மற்றும் சமூக அமைப்புகள் மிக முக்கியமான இடத்தை பெற்றுள்ளன. அதனால் இவ்வாறான விவகாரங்களில் தெளிவான தகவல்கள் மற்றும் பொறுப்பான விளக்கங்கள் வழங்கப்படுவது — சமூக ஒற்றுமைக்கும் நம்பிக்கைக்கும் அவசியமானதாக கருதப்படுகிறது. இந்த விடயம் தொடர்பாக மேலும் தகவல்கள் மற்றும் கருத்துகள் வெளியாகும் நிலையில் அவற்றையும் தொடர்ந்து சுவிஸ் விஷன் நிகழ்ச்சியில் உங்களிடம் கொண்டு வருவோம். இன்றைய நிகழ்ச்சி பற்றிய உங்கள் கருத்துகளை எங்களுடன் பகிர்ந்துகொள்ள மறக்காதீர்கள்.

— © எழுகை கலெக்டிவ் நியூஸ்ரூம் —
Elugai Collective Newsroom Publication | சுவிஸ் விஷன் இணைப்பு