ஈழத்தமிழ்த்தேசியமும் தலித்தியமும் — கொள்கையா கருத்தியல் யுத்தமா?
அண்ணல் அம்பேத்கரும் ஈழத்தமிழ்த்தேசியமும்: தேவையற்ற முரண்களைத் தவிர்ப்போம்!
ஈழத்தமிழ்த் தேசியமும் தலித்தியமும் ஒன்றோடொன்று முரண்படும் வெவ்வேறான துருவங்கள் அல்ல; அவை ஒடுக்கப்பட்ட ஒரு தேசிய இனத்தின் அக மற்றும் புற விடுதலையை முழுமைப்படுத்தும் இருவேறு தத்துவார்த்தக் கரங்கள் என்பதைச் சமகால அரசியல் சூழலில் நாம் ஆழமாகப் புரிந்துகொள்ள வேண்டியுள்ளது. இன்று தாயகத்திலும் தமிழகத்திலும் தமிழ்த் தேசிய முற்போக்கு சக்திகளுக்கும், அம்பேத்கரிய தலித்திய சிந்தனையாளர்களுக்கும் இடையே எழுந்துள்ள தேவையற்ற விவாதங்களும் கருத்தியல் மோதல்களும் எதிரிகளின் இராஜதந்திர நகர்வுகளுக்கே வழிவகுக்கின்றனவே தவிர, ஒடுக்கப்பட்ட மக்களின் விடுதலைக்கு எந்த வகையிலும் உதவப் போவதில்லை. ஈழத்தமிழ்த் தேசியம் என்பது அடிப்படையில் சிங்களப் பேரினவாத ஒடுக்குமுறைக்கு எதிராக எழுந்த ஒரு புற விடுதலைப் போராட்டம் ஆகும். அதேவேளையில், அண்ணல் அம்பேத்கர் முன்னெடுத்த தலித்தியம் என்பது சனாதன வர்ணாசிரமச் சாதியக் கட்டமைப்பிற்கு எதிராக அக விடுதலைக்காகத் தொடுக்கப்பட்ட சமரசமற்ற தத்துவப் போர். புற ஒடுக்குமுறைக்கு எதிரான போராட்டத்தில் அக ஒடுக்குமுறையான சாதியப் பிரிவினைகளைத் தக்கவைத்துக் கொள்ள நினைப்பது எங்ஙனம் தவறோ, அதேபோல்தான் அக ஒடுக்குமுறைக்கான போராட்டத்தில் ஒட்டுமொத்த தேசிய இனத்தின் இறையாண்மையையும் சுயநிர்ணய உரிமையையும் புறந்தள்ளுவதும் வரலாற்றுப் பிழையாகும்.
அண்ணல் அம்பேத்கர் — சாதி ஒழிப்பையும் சமூக நீதியையும் பேசிய அவரது சிந்தனைகள் ஒடுக்கப்பட்ட தேசிய இனங்களுக்கும் ஒரு தத்துவார்த்த ஆயுதமாகின்றன.
ஈழத்தமிழ்க் தேசியப் போராட்ட வரலாற்றை நாம் கூர்ந்து கவனித்தால், தமிழீழத் தேசியத் தலைவர் மேதகு வே. பிரபாகரன் அவர்கள் சாதிய ஒழிப்பையும், சமூகச் சமத்துவத்தையும் தேசிய விடுதலையின் பிரிக்க முடியாத அங்கமாகவே கருதினார் என்பது தெளிவாகும். "சாதிப் பிரிவினைகளற்ற ஒரு தூய சமத்துவச் சமூகத்தை உருவாக்கவே மாவீரர்கள் இன்னுயிர்களை ஈகம் செய்தனர்" என்ற எமது மாவீரர்களின் உன்னதக் கனவு, அண்ணல் அம்பேத்கர் கண்ட சாதியற்ற, வர்க்கமற்ற சனாதன எதிர்ப்புச் சமத்துவக் கனவோடு மிகத் துல்லியமாக இணையும் புள்ளியாகும். தேசிய விடுதலைக்கான புறப் போராட்டமும், சாதி ஒழிப்பிற்கான அகச் சீர்திருத்தமும் இணையும் போதே ஒரு தேசிய இனம் முழுமையான இறையாண்மையைப் பெற முடியும் என்ற தத்துவார்த்தப் புரிதலைச் சமகால இளந்தலைமுறைக்குக் கடத்துவது அவசியமாகிறது. அண்ணல் அம்பேத்கரின் சிந்தனைகளை ஈழத்தமிழ்த் தேசியம் தவிர்க்கப்பட வேண்டிய முரணாகப் பார்ப்பது சித்தாந்த அறியாமையே ஆகும். ஏனெனில், ஒடுக்கப்பட்ட மக்களின் சுயமரியாதையையும், அவர்களின் அரசியல் அதிகாரத்தையும் முதன்மைப்படுத்திய அம்பேத்கரியம், அடிப்படையில் உலகளாவிய ஒடுக்கப்பட்ட தேசிய இனங்களின் விடுதலைக்கான தத்துவார்த்த ஆயுதமாகும்.
சுதந்திரம், சமத்துவம், சகோதரத்துவம் என்ற அம்பேத்கரின் கனவு இன்றும் ஒடுக்கப்பட்ட தேசிய இனங்களுக்கான வழிகாட்டியாக நிலைத்திருக்கிறது.
இந்தச் சூழலில், அண்ணல் அம்பேத்கருக்கும் ஈழத்தமிழ்த்தேசியத்திற்கும் இடையே கட்டமைக்கப்படும் முரண்பாடுகள் முற்றிலும் தேவையற்றவை, செயற்கையானவை என்பதை நாம் உணர்ந்து தவிர்க்க வேண்டும். அண்ணல் அம்பேத்கர் இந்தியத் துணைக்கண்டத்தின் சாதிய ஒடுக்குமுறைக்கு எதிராகச் சட்ட ரீதியாகவும் தத்துவ ரீதியாகவும் போராடியவர் மட்டுமல்ல, அவர் ஒட்டுமொத்த ஒடுக்கப்பட்ட உலக மக்களின் மனித உரிமைப் பிரகடனம். ஈழத்தில் சிங்களப் பேரினவாதம் தமிழ் அடையாளத்தை அழித்து எங்ஙனம் ஒரு கட்டமைக்கப்பட்ட இனப்படுகொலையை நிகழ்த்தியதோ, அதேபோல் அகச் சமூகத்தில் வர்ணாசிரம சாதியம் மனித மாண்பையே சிதைக்கிறது என்பதை உணர்ந்தே எமது விடுதலைப் போராட்டம் ஆயுதமேந்தியது. தேசியத் தலைவரின் தலைமையில் கட்டியெழுப்பப்பட்ட தமிழீழ நடைமுறை அரசில் சாதியப் பாகுபாடுகள் சட்ட ரீதியாகவும் சமூக ரீதியாகவும் முற்றாகத் தடை செய்யப்பட்டு, ஒரு முற்போக்குச் சமூகம் நடைமுறையில் சாத்தியப்படுத்தப்பட்டது. எனவே, அம்பேத்கரியத்தை ஈழத்தமிழ்த் தேசியத்திற்கு எதிரான ஒரு கருவியாக மாற்றுவதும், அல்லது தமிழ்த்தேசிய தளம் அம்பேத்கரின் சமூக நீதிக் கோட்பாடுகளை உள்வாங்க மறுப்பதும் வரலாற்றுப் பிழைக்கு வழிவகுக்கும்.
இந்தச் சூழலில், அண்ணல் அம்பேத்கருக்கும் ஈழத்தமிழ்த்தேசியத்திற்கும் இடையே கட்டமைக்கப்படும் முரண்பாடுகள் முற்றிலும் தேவையற்றவை, செயற்கையானவை என்பதை நாம் உணர்ந்து தவிர்க்க வேண்டும். அண்ணல் அம்பேத்கர் இந்தியத் துணைக்கண்டத்தின் சாதிய ஒடுக்குமுறைக்கு எதிராகச் சட்ட ரீதியாகவும் தத்துவ ரீதியாகவும் போராடியவர் மட்டுமல்ல, அவர் ஒட்டுமொத்த ஒடுக்கப்பட்ட உலக மக்களின் மனித உரிமைப் பிரகடனம். ஈழத்தில் சிங்களப் பேரினவாதம் தமிழ் அடையாளத்தை அழித்து எங்ஙனம் ஒரு கட்டமைக்கப்பட்ட இனப்படுகொலையை நிகழ்த்தியதோ, அதேபோல் அகச் சமூகத்தில் வர்ணாசிரம சாதியம் மனித மாண்பையே சிதைக்கிறது என்பதை உணர்ந்தே எமது விடுதலைப் போராட்டம் ஆயுதமேந்தியது. தேசியத் தலைவரின் தலைமையில் கட்டியெழுப்பப்பட்ட தமிழீழ நடைமுறை அரசில் சாதியப் பாகுபாடுகள் சட்ட ரீதியாகவும் சமூக ரீதியாகவும் முற்றாகத் தடை செய்யப்பட்டு, ஒரு முற்போக்குச் சமூகம் நடைமுறையில் சாத்தியப்படுத்தப்பட்டது. எனவே, அம்பேத்கரியத்தை ஈழத்தமிழ்த் தேசியத்திற்கு எதிரான ஒரு கருவியாக மாற்றுவதும், அல்லது தமிழ்த்தேசிய தளம் அம்பேத்கரின் சமூக நீதிக் கோட்பாடுகளை உள்வாங்க மறுப்பதும் வரலாற்றுப் பிழைக்கு வழிவகுக்கும்.
0 Comments